نفسي افش غلي بليلة مبارح الي سهرتها للساعة3عالتخت وانا مش عارف انام وصايبني أرق,ولما نعست وقربت اغفل ,بسة(قطة)الجيران الحامل حليلها تخلف تحت شباك غرفتي,وحمي معها الطلئ من هون وبلشت صراخ وكل ما تطلع صرخة قوية بقول خلص الحمدلله اجا الولد,بتطلع صرخة تانية وبتجيب التاني ,هيييييك 14 مرة-حسيت حالي زوجها وبستناها تخلص هالخلفة... وتقوم بالسلامة-وبالنسبة للأرق الي صابني:حدا معو مزيل أرق؟لأني مأرّق من هالحر وبدي ديودرال سبيد ستيك
******************
نفسي افش غلي بخزانتي:يعني مشان الاقي بلوزة لازم ادور جوا البنطلونات, والبنطلونات جوا القمصان,وقميص جوا الجرابات,يعني باختصار الفوضى تعم أرجاء خزانتي-وبحاجة لتدخل امني عاجل من الوالدة,والمشكلة بشوف بخزانتي شغلات اول مرة بشوفها,تصدقو اكتشفت انه عندي اخ عايش بخزانتي من ايام الأغريق-ولقيت جوا بنطلون قديم أحفورة فرعونية(سمي...تها خزانتوت)و رمح من ايام الغساسنة وجمجمة طاليس ان16 من ايام الانباط..نفسي تصير خزانتي مرتبة, وهيهات
*****************
نفسي افش غلي بالأكل, يعني بدي اكل لحمة او جاج بحكولي فيها دهون بترفع الكولسترول وبتأثر عالقلب-الخيار والبندورة لا تاكلها لأنه فيها هرمونات-المعلبات كلها فيها مواد حافظة مسرطنة-الرز والخبز بسببو السمنة-الجبنة والالبان اصلها دنماركي لازم نقاطعها- طب شو أكل؟ شو اتسمم؟.افتح تمي و أكل هوا؟على فكرة مابزبط لأنه الهوا هالايام ...ملوث بثاني اوكسيد المغنيسيوم-مابقي الا اني ألبس اخضر واتمدد تحت الشمس واتغذا زي الشجر على الكلوروفيل
*****************
نفسي افش غلي بالحمار الي اخترع هاي الجملة ( الحياة حلوة بس نفهمها ),و العن ابو شرف الي بأمن فيها.. اي والله كل مانفهم الحياة بنكتشف كيف انها مش حلوة , وكل ما اسكتشفناها اكتر , كرهناها اكتر وعرفنا انه تورطنا.. زي الي متزوج ختيارة عجوز عمرها 60 سنة بس لما شافها كانت لابسه قناع, وليلة الدخلة مبسوط عليها وبلش يشلّح ويعرّي... فيها قطعة قطعة , وكل ما كشفها اكتر قرف منها وكرهها اكتر , قال حلوة قال هه
******************
نفسي أفش غلي بالناس الاغبياء, واحد برن على التلفون الارضي وبرد عليه , بسألني(وين انت؟)بالله عليك؟ يعني تلفون ارضي و ران عالبيت وين بدي اكون؟اكيد مابلف التلفون الارضي على خصري وبطلع برا-و الي سألتها عن محل بالمول بتحكي
هيو بطابق المطاعم , او مش عارفه يمكن بالفود كورد) لاا؟يعني مش زي بعض هدول؟والي ببعت اغنية البلوتوث ول...ما يشوف النقل بطيء بصير يخض بموبايله,قال يعني هيك اسرع!منيح الي ما بفور الموبايل من الخض- غبا مستفحل
******************
نفسي أفش غلي بكل حدا برن على موبايلي, وانا مش مخزن رقمه , وبقعد ربع ساعة يقلي احزر مين انا,وانا مش رايق ولا حابب اعرف مين هو, بس بسحب معو \معها وبقول هلأ بطلع حدا كتير مهم, وبعل قلبي وبمرضني وهو يحزر فيي بفكرني كتير متحمس ومبسوط, بالاخير بطلع حدا انا ماسح رقمه من موبايلي مشان مش حاب اسمع صوته او اشوفه-جد مو من قليل نص ...العالم على موبايلي مخزنين بهيك اسماء (اكلنا هوا -لزقة1 -لزقة2 -لزقة كوكس -لا ترد عليه -حل عني) اففف
******************
نفسي افش غلي بكل بنت بتحط عدسات (لينسيز)ماعمري شفت بنت لابقلها العدسات,, بتلاقي بنت وجها شاحب مصفر وكلها بقع سود ونمش كحلي وبتحط عدسة زرقا او خضرا!, وبتحلف مليون يمين انه لون عيونها الاصليين, مش انه مبارح شفتها وكان لون عيونها حمر! ولا زي ادوارد الي بتوايلايت بتغير لون عيونكم كل12ساعة؟والحلو بالموضوع انه وهي بتحكي معي ...بتصير تفتح بعينها وتكبر البؤبؤ مشان انتبه انه عيونها خضر او زرق,مش عارفه اني قرفان منها--الله يقرفكم
*****************
نفسي أفش غلي بالي بحكي معي عالمسنجر أو الشات بوكس هون عالفيس بوك , وبحكي بحكي بحكي وانا مطنش ومو معبره .. وبرجع يحكي وبفتح مواضيع وانا مطنش ومو معبره ولا حاكي معو اشي .. يا اخي انت ما عندك عزة نفس؟ انا مطنشك ..مش محترمك .. بكرهك ... مو حاب احكي معك ... ازعل ! مشان الله ازعل !!! وكل ما يسكت وافكره زعل .. برجع بحكي لحاله...-لحالها , وبعد ساعه تطنيش بيجي بحكيلي (مشغول؟ خلص بنحكي بعدين ) .. اتقلو شوي
****************
نفسي افش غلي بالناس الأغبياء, يعني واحد مو مشتاقله بالمرة بيجي ببوسني وبعبطني وبنفخ وبتف بوجهي وهو بحكي معي , وبالاخير بقولي انه مرشح ومفلوز .. يا حمار عديتني !!! والله مش دابح حالي على بوستك ولا على كلامك معي,,, وبالناقص من هيك عالم بسببهم رح اقضي العطلة مريض , فعلا انهم :- اجسام بشر وعقول بقر ... او شرفتا راح ينئا ...عنهما القمر .. حوّل الله موبايلاتهم الاي فون الى همر .. وغيّر نعيم مالهم الى طفر .. مطر مطر مطر
***************
ואנתו בשו נפסק תפשו ע'לקווווווווווווום ?:@